گوڵبه‌هار ساڵی‌ 1932 هاتۆته‌ دنیاوه‌‌و ساڵی‌ 1949 چۆته‌ سه‌ر ته‌خته‌ی‌ شانۆ‌و به‌شداری‌ ژماره‌یه‌ك شانۆگه‌ریی‌‌و فیلمی‌ كردوه‌‌

دوای‌ دابڕانێكی‌ زۆر‌و دووركه‌وتنه‌وه‌ له‌كاری‌ هونه‌ریی‌، هونه‌رمه‌ندی‌ گه‌وره‌ گوڵبه‌هار له‌م ماوه‌یه‌ی‌ پێشوو به‌هاوكاری‌ تیپی‌ مۆزیكی‌ دهۆك‌و له‌ته‌مه‌نی‌ 76 ساڵیدا، گۆرانییه‌كی‌ به‌ناوی‌ چه‌ڵێ‌ به‌ورچه‌ڵمه‌ تۆماركرد، كه‌گۆرانییه‌كی‌ فۆلكلۆره‌و ئاواز‌و دابه‌شكردنی‌ جه‌مال محه‌مه‌د ئه‌دیبه‌‌و ئێستا به‌نیازه‌ كاری‌ كلیپی‌ بۆ بكه‌ن.
گوڵبه‌هار ساڵی‌ 1932 هاتۆته‌ دنیاوه‌‌و ساڵی‌ 1949 چۆته‌ سه‌ر ته‌خته‌ی‌ شانۆ‌و به‌شداری‌ ژماره‌یه‌ك شانۆگه‌ریی‌‌و فیلمی‌ كردوه‌‌و ساڵی‌ 1961، یه‌كه‌م گۆرانی‌ به‌ناوی‌ (كوڕی‌ گوند) له‌ئێزگه‌ی‌ كوردی‌ به‌غدا تۆماركردوه‌‌و نزیكه‌ی‌ 280 گۆرانی‌ له‌ئه‌رشیفی‌ ئێزگه‌ی‌ كوردی‌ هه‌یه‌‌و ئێستا له‌شاری‌ دهۆك ژیان به‌سه‌ر ده‌بات.